Dil
Hamara dil sawere ka sunehra jaam ho jae
Charaghon ki tarah ankhain jalain jab sham ho jae

Kabhi to aasman se chand utre jaam ho jae
Tumhare naam ki ik khoobsoorat sham ho jae

Ajab halat the youn dil ka soda ho gaya aakhir
Mohabbat ki haweli jis tarah nelaam ho jae

Samander k safar main is tarah awaz de humko
Hawaaen taiz hon or kashtion main shaam ho jae

Muje maloom hai uska thikana phir kahan ho ga
Parinda aasman choone main jab nakaam ho jae

Ujaale apni yaadon k hamare sath rehne do
Najane kis gali main zindgi ki shaam ho jae

SUNG-E-MAR MAR

SUNG-E-MAR MAR SE TARASHA HUA YEH SHOKH BADAN
ITNA DILKASH HAI K APNANE KO JEE CHAHTA HAI
NARM SEENE MEIN DHARAKTE HAIN WOH NAZUK TOOFAN
JIN KI LEHRON MEIN UTAR JANE KO JEE CHAHTA HAI
TUM SE KIA RISHTA HAI KAB SE HAI MAALOM NHI
LAIKIN IS HUSN PE MAR JANE KO JEE CHAHTA HAI
SURKH HOONTO PE JHALAKTE HAIN WOH RANGEEN SHARAB...
JIS KO PEE KAR BHIK JANE KO JEE CHAHTA HAI...

Paigham

TERI YAAD MEIN BOHAT PAIGHAM LIKHTE HAIN

TERI YAAD MEIN GUZARI WOH SHAAM LIKHTE HAIN

WOH KALAM BHI TERA DEEWANA HO JATA HAI

JIS SE HUM TERA NAAM LIKHTE HAIN...