Pagal Larki...!!

 

ajab pagal c larki hai

    mujhe har khat me likhti hai

    mujhy tum yaad kertay ho

    tumhe main yaad aati hun

    meri batain satati hain

    meri neendain jagati hain

    meri aankhain bholati hain

    december ki sonehri dhoop me

    ab bhi tehal tay ho

    kisi khamoosh rastay se

    koi aawaz aati hai

    kisi khamoosh rastay se

    koi aawaz aati hai

    thither ti sard raaton me

    tum ab bhi chat pe jatay ho

    falak k sab sitaron ko

    meri batain sonatay ho

    kitabon se tumhare ishq me kabhi koi kami aai

    ya meri yaad ki shidat se aankhon me nami aai

    ajab pagal c........

    mujhe har khat......

    jawaban os ko likhta hun

    meri masrofiat dekho

    sobah se sham office me

    charagh-e-umer jalta hai

    phir os k baad duniya ki

    kai majborian paon me berian dal rakhti hai

    mujhe befiker chahat se bhare sapne nahi dikhtay

    tahal ne jaag ne rone ki mohlat hi nahi milti

    sitaron se milay arsa hoa naraz hon shayad

    kitabon se shagaf mera abhi waise hi qaim hai

    fark itna para hai ab unhay arsy me parhta hun

    tumhe kis ne kaha pagli tumhe main yaad kerta hun

    k main khud ko bholanay ki musalsal justajo me hun

    tumhe main yaad aany ki musalsal justajo me hun

    magar ye justajo meri bohat nakaam rehti hai

    mere din raat me ab bhi tumhari sham behti hai

    mere lafzon ki har mala tumhare naam rehti hai

    tumhe kis ne kaha pagli tumhe main yaad kerta hun

    purani baat hai jo log aksar gungonatay hain

    unhay hum yaad kertay hain jinhe hum bhol jatay hain

    ajab pagal c larki hai meri masrofiat dekho

    tumhe dil se bholaon tu tumhari yaad aaye na

    tumhe dil se bholany ki mujhe fursat nahi milti

    or is masroof jiwan me tumhare khat ka ik jumla

 

    "tumhe main yaad aati hun"

 

    meri chahat ki shidat me kami hone nahi deta

    bohat ratain jagata hai mujhe sone nahi deta

    so agli bar khat me ye jumla nahi likh na

    ajab pagal c larki hai mujhe phir bhi ye likhti hai

    mujhe tum yaad kertay ho tumhe main yaad aati hun>!!