Socha

Socha naheen accha bura
Dekha suna kuch bhee naheen
Manga khuda say har waqt...
Teray siwa..... Kuch bhee naheen!

Dekha tujhey chaha tujhey
Socha tujhey pooja tujhey
Meri wafa meri khata....
Teri khata...... kuch bhee naheen!

Jis par hamari aankh nay
Moti bichayey raat bhar
Bhaija wahee kaghaz usay
Ham nay likha...... Kuch bhee naheen

Aur aik shaam kee dehleez per
Baithay rahay woh dair tak
Aankhon say kee batain bohat
Munh say kaha.....kuch bhee naheen!

Do chaar din kee baat hay
Dil khak mein mil jaeyey ga
Aag per jab kaghaz rakha
Baqee bacha .... Kuch bhee naheen!!!

Waqat na jane

waqt na jane zamane ko kahan le jaye ga .......
hum to ruk jayen ge lekin ye waqt chalta jaye ga

kaun chalta hai sada sang karwaan-e-waqt k
har musafir thak ke kisi raah pe ruk jaye ga.....

zindagi wo khwaab hai toote ga jab uth jayen ge..

kya mohabbat,

kya khushi,

kya dosti,

kya dushmani

waqt ka sab khel hai sab khatm ho j............aye ga
sochta hoon main janaza dekh kar jate huye

ek kafan hi hai mera jo sath mere jaye ga....