Aabalaa

Vahashat-e-dil silaa-e-aabalaa_paa_ii le le
Mujh se yaa rab mere lafzo.n kii kamaa_ii le le

Aql har baar dikhaatii thii jale haath apane
Dil ne har baar kahaa aag paraa_ii le le

Mai.n to us subah-e-daraKhshaa.N ko tavangar jaanuu.N
Jo mere shahar se kashkol-e-gadaa_ii le le

Juu Ganii hai magar itanii hai.n sharaayat merii
Ye mohabbat jo hame.n raas na aa_ii le le


Apane diivaan ko galiyo.n me liye phirataa huu.N
Hai ko_ii jo hunar-e-zaKhm_numaa_ii le le

Anjaan

Kitnay anjaan tabiyat kay hain meray dost mohsin,Jab tak hum na haal poochain wo hum se ghuftugu hi nahi kartay.

Guman

Hain Guman Hume Bhi Unse Dil Lagane Ka,
Shikayat Hain To Bas Itana Unke Ruth Jane Ka,
Kyu Ho Gaye Wo Humse Dur Ae Mere Khuda,
Kya Itani Badi Saza Hain Unse Dil Lagane Ka.

Beniyaazii

Ye adaa-e-beniyaazii tujhe bevafa mubaarak
Magar aisi beruKhii kya ki salaam tak na pahunchey